Թողարկում 69

Արեւելյան գործընկերության կոնֆերանս. դեպի ժողովրդավարության, բարգավաճման եւ քաղաքացիական հասարակության ամրապնդման եվրոպական հանրություն

2011թ. սեպտեմբերի 29-ին, Վարշավայում տեղի կունենա «Դեպի ժողովրդավարության, բարգավաճման եւ քաղաքացիական հասարակության ամրապնդման եվրոպական հանրություն» Արեւելյան գործընկերության միջազգային կոնֆերանսը:

Այն Արեւելյան ուսմունքների կենտրոնի, Լեհաստանի միջազգային հարաբերությունների ինստիտուտի, ԱլԳ Քաղաքացիական հասարակության համաժողովի, ինչպես նաեւ մեդիա գործընկերոջ՝ ԱլԳ Համայնքի (EaPCommunity) կողմից կազմակերպվել է որպես Արեւելյան գործընկերության գագաթաժողովին զուգընթաց միջոցառում:

Կոնֆերանսը կհամաֆինանսավորվի Եվրոպական միության կողմից: Կոնֆերանսի գործընկերը Լեհաստանի արտաքին գործերի նապարարությունն է:

Կոնֆերանսը կմեկտեղի քաղաքացիական հասարկության ներկայացուցիչների, փորձագետների եւ պաշտոնատար անձանց՝ ԱլԳ երկրներից եւ ԵՄ-ից, քննարկելու համար Արեւելյան գործընկերությանն առնչվող առավել կարեւոր եւ հրատապ հարցեր:

ԱլԳ եւ ԵՄ երկրներից փորձագետների մասնակցությամբ ծավալվող բանավեճերում կդիտարկվեն գործընկեր երկրներում ընթացող փոփոխություններում քաղաքացիական հասարակության ներուժին, ժողովրդավարական եւ տնտեսական  ինտեգրացիայի գործընթացներում դրա նշանակությանը, վիզաների ազատականացման հեռանկարին եւ միգրացիայի հիմնախնդիրներին վերաբերող հարցեր: Կքննարկվեն նաեւ ԱլԳ անդամ երկրների տնտեսական ինտեգրացիայի մարտահրավերներին, ազատ առեւտրի գոտուն. Արեւելյան գործընկերությանը եւ Եվրոպական հարեւանության քաղաքականությանն առնչվող խնդիրներ:

 

Եվրոպա մայրցամաքում վիզային խոչընդոտների հաղթահարման կոալիցիայի անդամների կոչը

15 սեպտեմբերի, 2011 

Մենք՝  Եվրոպա մայրցամաքում վիզային խոչընդոտների հաղթահարման կոալիցիայի  ներքոստորագրյալ անդամներս, 2011թ. սեպտեմբերի 29-30-ին Վարշավայում կայանալիք ԵՄ-ԱլԳ գագաթաժողովի մասնակից Եվրամիության եւ Արեւելյան գործընկերության (ԱլԳ) երկրների առաջնորդներին կոչ ենք անում կրկնապատկել իրենց ջանքերը ԵՄ-ԱլԳ երկրների միջեւ առանց վիզաների ճամփորդելու հնարավորության ստեղծման ուղղությամբ եւ դա կյանքի կոչել՝ սահմանված տեխնիկական չափորոշիչները համապատասխանեցնելուն պես:  

Աջակցելով քաղաքացիների շարժունությանը եւ միջանձնային կապերի սերտացմանը՝ որպես փոխճանաչման միջոց, ինչպես բիզնեսի, այնպես էլ քաղաքացիական հասարակության եւ մշակութային կապերի պարագայում, ԵՄ-ն պետք է քայլեր ձեռնարկի վիզաների լրիվ ազատականացման ուղղությամբ, հենց որ առանձին երկրները կատարեն պատշաճ կառավարման եւ շարժունակության ապահովման վերաբերյալ երկկողմանի փաստաթղթերի դրույթները: 

Վիզաների ազատականացումը փոխշահավետ ձեռնարկ է: Սահմանային անվտանգության, ոստիկանական համագործակցության եւ տեղեկատվության փոխանակման ուղղությամբ բարեփոխումներ իրականացնելիս կուժեղանա անվտանգությունն ու ԵՄ-ԱլԳ երկրներ փոխադարձ վստահությունը, օրինակ՝ կազմակերպված հանցավորության դեմ պայքարի, թրաֆիկինգի եւ անօրինական արտագաղթի ուղղությամբ, միաժամանակ քանդելով Խորհրդային Միության վերանալուց հետո դեռեւս մնացած արգելապատնեշները:

Առանց վիզաների ճամփորդությունն ԱլԳ երկրների համար կընդլայնի ԵՄ-ում գործարարությամբ զբաղվելու տնտեսական հնարավորությունները եւ զբոսաշրջային բիզնեսը: Առանց վիզաների ռեժիմը կարող է նաեւ հետագա բարեփոխումների իրականացման խթան դառնալ ԱլԳ երկրների համար: 

Մենք դիմում ենք Եվրամիությանը՝ խնդրելով  վիզաների ազատականացմանն առնչվող Ուկրաինայի եւ Մոլդովայի Ասոցացման  համաձայնագրերի նախնական տարբերակներից, ինչպես նաեւ Հայաստանի եւ Ադրբեջանի հետ Վիզաների ազատականազման համաձայնագրերի՝ ստորագրման պատրաստվող բոլոր փաստաթղթերից հանել «որպես հեռանկարային նպատակ» ձեւակերպումը: Արեւելյան գործընկերության ստեղծման վերաբերյալ Պրահայի հռչակագրում հայտարարվում է, որ ԵՄ-ն «որպես հեռահար նպատակ՝ հետեւողական քայլեր է ձեռնարկում վիզաների լրիվ ազատականացման ուղղությամբ»: Ի դեպ, վիզաների ազատականացման ուղղությամբ Ուկրաինայի եւ Մոլդովայի հետ համաձայնեցված Գործողությունների պլանում, որը դիտվում է որպես ԱլԳ մյուս երկրների համար ընդունելի մոդել, տեխնիկական պայմանների բավարարման պարագայում վիզաների ազատականացումը հետաձգելու վերաբերյալ որեւէ ձեւակերպում չկա:

Մենք կոչ ենք անում Լեհաստանի Նախագահությանը՝ կոնկրետ քայլեր ձեռնարկել ԱլԳ երկրների համար վիզաների ազատականացման ուղղությամբ: Ուկրաինան եւ Մոլդովան պետք է որքան հնարավոր է շուտ մտնեն Գործողությունների պլանի հաջորդ փուլ, պետք է գործարկվի Վրաստանի Գործողությունների պլանը եւ առաջնահերթ պետք է համարվի Բելառուսի, Ադրբեջանի եւ Հայաստանի հետ Վիզաների ազատականացման եւ ռեադմիսիայի համաձայնագրերի վավերացումը:  Բացի այդ, պետք է ձանքեր գործադրվեն Վիզաների ազատականացման համաձայնագրերում (ՎԱՀ) եւ Վիզային կոդեքսում առկա հանձնարարականների եւ նախապայմանների իրականացումն արագացնելու համար:

Վիզաների ազատականացման համաձայնագիրն առաջին քայլն է վիզային սահմանափակումների վերացման ուղղությամբ, բայց այն դեռեւս հեռու է Շենգենյան գոտու վերջին ընդլայնումից առաջացած բացասական հետեւանքների չեզոքացման միջոց լինելուց: Չնայած ակնկալիքներին, ՎԱՀ-երը դեռեւս չեն դարձել վիզաների ստացման արդյունավետ գործիքներ եւ էական ազեցություն չունեն ընթացակարգերի պարզեցման վրա: 

Վերստին անդրադառնալով ԱլԳ երկրների հետ վիզաների ազատականացման խնդրին,  ԵՄ-ն կհաստատի իր հավատարմությունը Պրահայի համաձայնագրով սահմանված դրույթին՝ «առավել սերտ համագործակցություն հաստատել Արեւելյան գործընկերության երկրների հետ»: Դա ցույց կտա, որ Եվրամիությունն իր արեւելյան գործընկերներին վերաբերվում է որպես իսկական գործընկերների: Դա կարող է Արեւելյան հարեւանների թե´ կառավարությունների, թե´ հասարակության համար լուրջ խթան հանդիսանալ՝ իրականացնելու ԵՄ սահմանային անվտանգությունն ամրապնդող դժվարին եւ ծախսատար բարեփոխումներ: 

Վերոհիշյալ պարտավորության ստանձնումը պետք է իր արտացոլումը գտնի ԵՄ-ԱլԳ  2011թ. գագաթաժողովի ամփոփագրերում եւ հռչակագրում:

Ստորագրություններ

Analytical Center on Globalization and Regional Cooperation, Yerevan, Armenia

Association for International Affairs (AMO), Prague, Czech Republic

Belarus Watch, Lithuania, Vilnius, Lithuania

Civic Belarus, the Czech Republic, Prague, Czech Republic

Center for International Relations (CIR), Warsaw, Poland

Center for Social Innovations, Minsk, Belarus

DEMAS, Prague, Czech Republic

Eastern Europe Studies Centre, Vilnius, Lithuania

European Citizen Action Services (ECAS), Brussels, Belgium

Education for Democracy Foundation (FED), Warsaw, Poland

Europe without Barriers, Ukraine, Kyiv, Ukraine

EUROBELARUS International Consortium

EUROPEUM, Prague, Czech Republic

Free Belarus Initiative, Warsaw, Poland

Georgian Foundation for Strategic and International Studies, Tbilisi, Georgia

Hungarian Europe Society, Budapest, Hungary

Institute for Euro-Atlantic Cooperation (ІEAC), Kyiv, Ukraine

Institute for Public Policy, Chisinau, Moldova

Institute of Public Affairs (IPA), Warsaw, Poland

Nasz Wybór Foundation, Warsaw, Poland

Office for Democratic Belarus, Belarus/Brussels, Belgium

Open Society Institute Azerbaijan, Baku, Azerbaijan

Open Society Institute, Brussels, Belgium

Open Society Institute, Sofia, Bulgaria

Östgruppen – Swedish Initiative for Democracy and Human Rights, Stockholm, Sweden

PASOS, Prague, Czech Republic

Public Movement “Multinational Georgia” (PMMG), Tbilisi, Georgia

Stowarzyszenie Projekt: Polska, Warsaw, Poland

Research Center of Slovak Foreign Policy Association, Bratislava, Slovakia

Romanian Centre for European Policies, Bucharest, Romania

Slovak Foreign Policy Association (SFPA), Bratislava, Slovakia

Soros Foundation Latvia, Riga, Latvia

Stefan Batory Foundation, Warsaw, Poland

Ternopilska Foundation, Żyrardów, Poland

 

Եվրոպա մայրցամաքում վիզային խոչընդոտների հաղթահարման կոալիցիա

Եվրոպա մայրցամաքում վիզային խոչընդոտների հաղթահարման կոալիցիան ստեղծվել է 2010թ. նոյեմբերի 10-ին, Վարշավայում, Ստեֆան Բատորի հիմնադրամի նախաձեռնությամբ: Այսօր այն ներառում է Եվրոպայի տարբեր մասերից ավելի քան 30 ոչ կառավարական կազմակերպություններ: 

Կոալիցիան մեկտեղում է Արեւելյան գործընկերություն երկրներում (Հայաստան, Վրաստան, Ադրբեջան, Ուկրաինա, Բելառուս, Մոլդովա) եւ Ռուսաստանում ԵՄ վիզաների ազատականացման արագացմանն ուղղված ջանքերը: Մենք ուզում ենք որոշում ընդունողների կողմից ավելի լսելի դառնալ եւ ամուր հիմք ստեղծել առանց վիզաների Եվրոպա ստեղծելու համար:

Կոալիցիան անդամ կազմակերպությունների տարիների համագործակցության արդյունքն է: Համատեղ մենք պատրաստել ենք հաշվետվություններ եւ ռազմավարական փաստաթղթեր, հանձնարարականներ եւ քարոզչական միջոցներ: Կոալիցիայի գործունեությունը համակարգվել է ԵՄ հետ սահմանային ծրագրի եւ Ստեֆան Բատորի հիմնադրամի Բաց Եվրոպա ծրագրի միջոցով:

Կոալիցիայի Ղեկավար կոմիտեի անդամների թվում է Ստեֆան Բատորի հիմնադրամից (Վարշավա) Յոաննա Ֆոմինան, Հանուն ժողովրդավարական Բելառուսի գրասենյակից (Բրյուսել) Օլգա Ստուժինսկայան եւ Ալեքսանդր Սուշկոն՝ Եվրոպան առանց պատնեշների (Կիեւ) կազմակերպությունից:

Ստեֆան Բատորի հիմնադրամը լեհական անկախ եւ մասնավոր ֆոնդ է, որ 1988-ին հիմնադրվել է ամերիկյան ֆինանսիստ եւ բարեգործ Ջորջ Սորոսի եւ 80-ականների լեհական ժողովրդավար մի խումբ առաջնորդների կողմից:

Հիմնադրամի առաքելությունը Լեհաստանում, Կենտրոնական Եվրոպայում եւ արեւելաեվրոպական այլ երկրներում բաց եւ ժողովրդավարական հասարակության ստեղծումն է: Մեր առաջնահերթություններից են քաղաքացիական հասարակության դերի եւ մասնակցայնության խթանումը  հասարակական կյանքում, օրինականության, թափանցիկության, միջազգային համագործակցության եւ համերաշխության զարգացումը:

Հիմնադրամն աշխատում է նախապես մշակված հեռանկարային ծրագրերով՝ խրախուսելով հանրային եւ մասնավոր սեկտորների համագործակցությունը,  նորարարական մոտեցումները եւ սոցիալական հիմնախնդիրների լուծմանը միտված կոալիցիայի ստեղծումը:

Իր գործունեության մեջ Հիմնադրամն առաջնորդվում է թափանցիկության, հրապարակայնության եւ պատասխանատվության սկզբունքներով: